بيلاطس بونتس ( البنطي )

بيلاطس هو أكتر شخصية مُحيرة في رحلة الآلام….
بيلاطس كان متأكد من برائة يسوع…. والحلم اللي حلمته زوجة بيلاطس أكدله إن يسوع برئ…. لدرجة إن بيلاطس كان بيحاول بقدر إستطاعته يخرج يسوع من المأزق دة….
الحكاية دي كانت غريبة أوي…. كان غريب إن يكون فيه قائد روماني بالإنسانية دي…. معروف إن الرومان كانوا في غاية الشراسة والدموية…. لكن ليه جه عند يسوع وإتحول التحول الخطير دة…. معرفش….!!!!!
مشكلة بيلاطس الوحيدة كانت في كلمة “ ليس لنا ملك إلا قيصر “…. بيلاطس خاف…. خاف على الكرسي…. خاف على الهيبة…. خاف على مركزه…. فقرر إنه يقدم التنازل…. وإتنازل عن الحق مقابل كرسي الولاية….
أنا وإنت وكلنا نبقى بيلاطس…. بنحب المسيح…. بس ماعندناش إستعداد نبيع العالم ونربح المسيح…. أنا بحب المسيح…. بس ماعنديش إستعداد إني أخسر فلوسي مقابل أمانتي… ماعنديش إستعداد أكون أمين في علاقاتي بالأخرين…. ولا أكون أمين في حياتي الشخصية ولا الروحية….. أنا بحب المسيح أه…. بس مايمنعش إني بحب مصلحتي برضو…..
ماتلومش على بيلاطس لإن ببساطة كلنا هذا البيلاطس….
# كلنا_بيلاطس_بونتس…..
# بلا_إستثناء……