لماذا اختار الرب يسوع يهوذا تلميذ من تلاميذه

ده سؤال مهم قوى .. المسيح كان عارف كويس قوى قد إيه يهوذا وحش .. يبقى المسيح إختار يهوذا علشان كل المسيحيين بعدين يبقوا فاهمين إنه مش كل واحد بقى مسيحي ده معناه إنه مخلص ليسوع وكويس ..

لا .. فيـه نـاس مسيحيين وحشين زى يهوذا بالظبط .. التاريخ مليـان بحكايات الناس المسيحيين الوحشين .. يبقي معني كده إننا لازم نبقى واعيين، وقبل لما نيجي نختار أصحاب يبقى لازم نصلي كتير، ونطلب إرشاد الروح القدس علشان أصحابنا ما يبقوش زى يهوذا

كمان غلط إننا نفتكر إن كل واحد مسيحي هيبقى تلميذ كويس ليسوع .. وعلشان كده لازم نفهم الإنجيل كويس وناخد بابا وماما وأبونا في الكنيسة زى أصحابنا، نقعد معاهم نحكي ليهم عن كل الكلام اللي بيحصل مع أصحابنا.

يقوموا هما يقدروا يفهموا إذا كان أصحابنا دول كويسيين ولا زى يهوذا، وبعدين ينصحونا .. وطبعا من مصلحتنا إننا نسمع كلامهم

وكمان يسوع يفرح بينـا قـوى لما نختار أصحاب حلويين مؤدبين بيحبوا ربنا لأنهم هيساعدونا في حياتنا الروحية.