هل صحيح إن اللص اليمين أول واحد دخل الفردوس
لا .. مش مظبوط ..
مفيش دليل من الكتاب المقدس بيقول كدا .. وبعدين معقولة اللص اليمين يدخل الفردوس قبل أبينا إبراهيم واسحق ويعقوب وموسى النبي وداود ويوسف وغيرهم من أباؤنا العظماء ..!!! مش معقول طبعا ..
أما دخوله الفردوس على آخر لحظة .. فدا عظمة المسيحية .. قدامك فرصة لآخر العمر .. المسيحية مفيهاش بدأت إزاي ، المهم أنهيت حياتك إزاي
” أنظروا إلى نهاية سيرتهم وتمثلوا بإيمانهم ” {عبرانيين 13 : 7}
.. وبرضه الكتاب بيقول ” أولون آخرين وآخرون أولين ” {متى 19 : 30} ..عندك مثلاً واحد اسمه ديماس ( غير ديماس اللص اليمين ) .. ديماس دا كان تلميذ بولس الرسول .. وكان قديس عظيم .. بيعتبره بولس الرسول أحد أعمدة الكنيسة . .. وبرغم كدا ديماس دا ترك الإيمان … !!
وأحب العالم وشهواته ..!!
وبيقول عنه القديس بولس ” ديماس تركني إذ أحب العالم الحاضر ” {2 تسالونيكي 4 : 10} .. علشان كدا لازم نجاهد ضد الخطية لآخـر لحظة في عمرنا
0 comments