فى مشكلة اقباط قبرص..يكتبون البقاء للقوى ام البقاء لله

البقاء للاقوي
ام
البقاء لله
الصراع :
الصراع منذ بداية الخليقة اتوجد مع الانسان وكأننا نزلنا علي الارض بكتالوج لمسيرة حياة مستمرة ، و الصراع هو الصورة المعلنة والظاهرة من الغيرة ، قايين الغيور قتل هابيل البار ، يعقوب سرق البكورية بسبب غيرته من عيسو ، يوسف اتباع كاعبد بسبب غيرة اخواته منه ، اليونان بتحاول تسرق نور خدمة قبرص بسبب غيرتها من كونها ابراشيه صغيرة لكن ظاهره .
الغيرة اللي مستخبيه ورا الصراع عادتا بيكون اصحابها ضعفاء انفس بيحاولوا يخفوا ضعفهم بااعلان الحرب والصراعات مهما كانت النتائج ، واوقات بيحاولوا يخفوا الغيرة دي بااظهار الود المزيف اللي سرعان ما يزول وتحل محله التدابير الشيطانيه .
بس السؤال اللي اجابته ممكن تخوفنا ، هل هنا البقاء للاصلح والانفع ولا البقاء للاقوي او المستقوي ؟؟
الحقيقة ان الاجابة صعبة شوية ، وهي ان الحياة اثبتت بالامثلة ان البقاء للاقوي للنفوذ للسلطة ، وهنا هسردلكم امثلة من واقع حياتنا .
** نظرية داروين : البقاء للاقوي
للي ميعرفش داروين ده عالم في تاريخ الطبيعه وجيولوجي .
في نظريه حاول داروين يمشي عليها ويطبقها وهي نظرية “الصراع من اجل البقاء ” دي نظرية بتتكلم عن التكاثر في عالم الحيوان .
من خلالها داروين شاف ان الله ليس وحده بمسؤل عن هذا الجيل الجديد من الحيوانات 
فالذكور القويه استاطعت فرض سيطرتها وكسب الاناث وانتاج هذا الجيل الجديد من الحيوانات ، اما الذكور الضعيفة فمصيرها كان الفناء هم وكل جهودهم السابقة ،
انتهت الذكور الضعيفة دون النظر او الاتفات الي من منهم محبوب او اليف وظلت الحيوانات القويه المستقويه.
** شركة ابل :
دي من الشركات القوية المعروفة طبعا ، الشركة القوية دي ظهر لها منافس يدعي شركة بيتس الكترونك برعت وتفوقت في المنتاجات الصوتية من سماعات الرأس ومكبرات الصوت ، والنجاح دة سبب ازعاج لشركة ابل ، وبما ان الجزء الاقوي في النفوذ والمادة كان من نصيب شركة ابل فا استطاعت ابل بصفقة ماليه تعتبر الاكبر في تاريخها ضم شركة بيتس الكترونك لها لتصبح بذلك شركة بيتس الكترونك تابعه لشركة ابل ، وبكده استمرت ابل ان تتصدر رقم واحد في المنتجات الالكترونية ، وقدرت تثبتلنا نظرية البقاء للاقوي بغض النظر مين الاصلح او الانجح
** لعبة البالونات :
في لعبة بنلعبها وكلنا نجهل اساسها ، الغرض الاسالسي كان ازاي توصل ببلونتك سليمة للجهه الاخري وسط اللعبة ، وبما ان الصراع داخل جوانا فا مسار اللعبة اتغير وبدل ما نحاول نحافظ علي البالونة بتاعتنا سليمة بدائنا نفكر وننفذ ازاي نجري علي بالونات المنافسين ونفرقع بالوناتهم ، ورغم ان كلنا كان ممكن نركز علي وصولنا ناجحين قادتنا الغيرة والصراع ازاي اهد اللي حواليا علشان اوصل وحدي او ازاي اللي جنبي يفشل في الوصول علشان نجاحي يظهر ، ومن هنا حتي مجرد لعبة اظهرت واثبتت لينا ان البقاء للاقوي والاخبث ، والفناء كان من نصيب الضعيف بغض النظر ان الضعيف دة كان مركز علي طريقه فقط بدون ما يكن غيرة او خبث اتجاه الاخر
** اليونان & قبرص
هنا يظهر الغرض من شرح الامثله اللي فاتت 
من الواضح جدا ان اليونان كانت عارفة النظريات دي وكانت واثقه من نجاح نظريه البقاء للاقوي ،
وماشيه علي نظرية الصراع من اجل البقاء ،
نجم اليونان رغم كونه يعتبر في خدمته دوله واسقفيه كان طول الوقت يبان ضعيف ، ضعيف نتيجه لخدمه مثمرة قوية ظهرت من الاتجاه الاخر في قبرص ، قبرص اللي قصاد اليونان جزيره صغيره، خدمتها ظهرت بشكل بيغطي علي خدمة اليونان ، التعمير ذاد مساحات انضمت للكنيسه في قبرص حفلات واحتفالات ، رحلات ، صور ، بركات واجتماعات ، ووحده بين الشعب عرف ابونا زكريا يعملها مش بسهوله ، تقريبا اخدت وقت 27 سنه علشان تظهر وتفضل بالشكل ده .
طبعا عدوا الخير موجود وبيظهر في وقت منعرفلوش سبب ، ونتيجه للغيره اللي دخلت جوه قلوب دولة اليونان ومسؤلين خدمتها الكنسية اتجاة قبرص بداءت الغيرة تاخد شكلها المعلن في صورة اعلان الصراع والحرب .
ازاي اليونان تغطي علي قبرص ، ازاي اليونان اي خدمه او مجهود او انجاز تعمله حتي لو تافه او صغير يظهر في وجود قبرص القويه بالخدمة ، كل التفكير ده نتج عنه حاجه وحده بس وهي اني مركزش في بالونتي علشان توصل سليمه لكن ازاي افرقع بلونة قبرص علشان انا اللي اظهر او افوز ، 
الموضوع علي اليونان مكنش مجهد ولا محتاج معاناه قويه لانها تمتلك اللي يدعم موقفها في الحرب او الصراع ده ، اللي يدعمها كان هنا النفوز اللي جعلتها قوية زي انها دولة وزي انها اسقفيه وزي انها حواليها من ضعاف النفوس خبيثي الفكر كتير ، بجانب الدعم من الكنيسه الام ، اما قبرص لا حول ليها لاتمتلك غير خدمتها القويه ، ولا ليها نفوز ولا هي اسقفيه دي يا دوبك جزيره صغيره، هنا كان من السهل علي اليونان تاخدها تحت دراعها بالقوة واظن من هنا وبعد كده اي انجاز هحصل في قبرص اللي خارج دايرتها هينسب الانجاز ده لاسقفية اليونان ده لو هيكون في انجازات تاني اصلا، وضيف علي ذلك ان قصاد الخراب اللي وصلت له حالة الكنيسه في قبرص الان اي انجاز صغير في اليونان هيظهر والكل هيسقف لاسقفها ، 
هنا كمان اليونان قدرت تثبت ان البقاء للاقوي بغض النظر اي خدمة كانت الانجح والمثمرة فيهم

نقلا عن صفحة كنيسة مارمرقس نيقوسيا قبرص

Mervat