الاعلام القبطى..يحاولون زعزعة الشأن القبطى بالاباطيل .. فاحذروا.. عيد الميلاد 29 كيهك..والقداس 25 ديسمبر استثنائى .. وهذه حقائق من المهجر

مادونا عادل / ميو جيرسى / لموقع اقباط امريكا

نواصل رصد الكتابات عن خطاب مطرانننا الانبا سرابيون , بشان الاحتفال الاولى بعيد الميلاد 29 كيهك, وقداس اضافى فى 25 ديسمبر مع عدم كسر الصيام الخاص بالميلاد وضرورة ان الصيام 43 يوم

نرصد التوعيد من الاكاذيب التى تحاول تضليل الاقباط وشحنهم ضد كنيستهم, اليكم ماكتب

البعض ظن أن العيد أصبح يوم ٢٥ ديسمبر وده مش جهل بالأمر ده تعمد من كثيرين على تسليط الضوء على جزء من الخبر وخاصة فيما يخص زعزعة الشأن القبطى.
أمال ايه الحكاية :
الموضوع ببساطة ان كنيستنا القبطية بقيت شجرة و لها فروع فى كل العالم بمعنى بقى لينا كنيسة فى اندونسيا مش لخدمة اولادنا فى اندونسيا لكن للاندونسيين كمثال اسيا و غيرها و كمان جنوب افريقيا كمثال افريقيا ليس لخدمة اولادنا فى جنوب افريقيا و لكن لسكان جنوب افريقيا و غيرها من دول فى افريقيا. نيجى بقى على امريكا و استراليا و اوربا
هناك اجيال ولدت اجيال و ظهر لنا ابناء ابناء ابناء فى تلك الدول ولدوا بجنسية و ثقافة و قوانين و عادات تلك البلاد صحيح اهاليهم بيقاوموا علشان يسبحوا ضد التيار و بيتعبوا كتيير لكن لا نغفل انهم يعتبرون مثال للاندونسين و الافارقه و غيرهم التابعين لكنيستنا .

لذلك كاهن المهجر و اسقف المهجر شخص مختلف عما تعرفه 🙂
يعنى قد تتفاجىء انه ممكن يسمع الإعتراف فى التليفون و يصلى تحليل الإعتراف فى التليفون لأن المعترف علشان يوصل للكاهن محتاج مسافة 4 ساعات طيران و كمان مفيش وقت يسافر.

نرجع لشجرتنا اللى بقت لها فروع كبيرة و منها امريكا و خاصة ايبارشية لوس انجلوس اللى بتضم الالاف من الاقباط و اصبحنا جالية لها وزنها فى الشارع الأمريكى ولكن عندنا ابناء ابناء ابناء ترعرعوا فى امريكا وثقافة البلد و التربية وسط مجتمع مفتوح و اجازات محددة و احتفالات صاخبة اغلبها غلط و لا تمجد ربنا.

المجمع المقدس بعد مناقشات بين اعضائه اعطى اسقف ايبارشية المهجر خلال توصيات المجمع يونيو 2019 فى الاتى :
توصيات لجنة شئون بلاد المهجر الرئيسية:
1- فى حالة الاحتياج الى استثناءات لقوانين الكنيسة و التقليد المقدس نتيجة احتياجات رعوية بكنائس بلاد المهجر يجب على الكاهن الرجوع الى اسقف ايبارشيته و يمكن للأسقف الرجوع الى قداسة البابا.

نرجع لموضوعنا بقى الأساسى وهو الهجوم الغير مبرر على قداسة البابا بطريقة و اسلوب لا تليق فى الدفاع عن اى خلاف يخص الكنيسة اكيد فى اسلوب افضل من كده .

الموضوع غلط فى الطرح تسبب فى عدم فهم الكثيرين و ببساطة ان انبا سرابيون قال و نحط تحتها خطين عيدنا عادى 29 كيهك ما غيرناش حاجة و لا اتفقنا مع الكاثوليك و لا هم صح و لا تقويمنا فى غلط و لا حاجة من دى خالص ..

الراجل شاف ان ولاده ابناء الاجيال التى ولدت على اراضى امريكية بياخدوا اجازة 24 و 25 ديسمبر و ممكن يروحوا يحتفلوا مع الامريكيين باية كانت طريقتهم صلاة ف كنيسة كاثوليكية او حفلات خاطئة و بناء على شكوى كتيير وصلت له من اسر قرر بقلب الاب و بعد الرجوع للمجمع المقدس ارسال خطاب خاص و ليس بيان لكهنة ايبارشيته .. بعمل قداس فرايحى لعيد الميلاد دون كسر الصيام و تكملة الصيام للاحتفال به يوم 29 كيهك.

ايه الفرق
خطاب بيوجههم نحو حاجة بيان بيعلن و بيقر ان ده هو الصح .. خطاب بيقول يا ريت نصلى قداس و نغير اللحن و يبقى قداس عيد و نكمل صيام عادى … ولو حضرتك مكمل معانا فى القراءة حتلاحظ ان الايام دى كنائس كتيير بتقييم قداسات مسائية لإحتياج الشباب العامل لها و ممتلئة على اخرها و قديما كان القداس يوم الأحد فقط و بعد ذلك صار فى حبرية البابا كيرلس كل يوم و اصبح الجمعة اساسياً نتيجة لإنه الإجازة الرسمية للكل.

#الرئيس_حسنى_مبارك فاجئنا بجعل 7 يناير عيد قومى مصرى يا خبر و بعدين ده ساعات العيد بيجى يوم7 و سنوات يوم 8 يناير .. لكن نتيجة للموقف تم اتخاذ موقف رعوى بأن العيد حيكون دائماً 7 يناير و الصلاة دائماً 6 يناير مساء.

+ تعرف كمان ان ماكنش فى حاجة فى قداس القيامة اسمها تمثيلة القيامة و احنا اخدناها من طائفة و ادخلناها فى قداس كنيستنا . عادى الطقس لخلاص الإنسان.

+ تعرف كمان ان اسبوع الالام كان بيتصلى كل 33 سنة و لما الكنيسة لقيت ان فى ناس بتتولد و تموت و ممكن ما تحضرهوش اقرت انه يكون كل سنة فى ختام الصوم الكبير.

+ موضوع ان الاكاليل كانت الصبح و بقيت بالليل و ان اللى هناك بيصلوا من اجل النيل اللى عندهم مش نهر النيل و الرئيس اللى عندهم مش رئيسنا مش قوية اوى ندخل على اللى بعدها.

+ صيام الميلاد بقى نفسه  مش حنتكلم فى مواعيد لان انبا سرابيون قال العيد 29 كيهك
قوانين الدسقولية ( الرسل ) نعيد فى 29 كيهك وماكنش هناك صيام للعيد و اقر مجمع نقية العيد و الصيام و ثم اصبح الصيام يشمل اكل السمك لأسباب كتيرة اغلبها رعوية ليس مجال لذكرها و كان الإحتفال بعيد الميلاد و الغطاس معا و تم بعد ذلك فصلهم و تم اضافة 3 ايام نقل جبل المقطم لهم كل دى تغييرات تمت لأسباب رعوية.

تعالى بقى نشوف أعين سيدنا البابا تواضروس لتراها دائماً الإحمرار و هو الكهل العجوز صاحب الفقرات المريضة و الذى لا ينام ليتواصل مع اطراف المسكونة من خلال التليفونات و الفيديو كونفرانس لكى تشعر كل رعية و كل ايبارشية فى كل بلاد العالم انهم كنيسة واحدة و من ثم تجده فى فرنسا و كنائس فرنسا و من ثم فى استراليا و من ثم اليابان و من ثم امريكا بالإضافة الى واجبات و المتطلبات فى مصر و اليبارشيات و وضع البلد السياسى و مشاكل الإيبارشيات

سبع 7 سنوات قد تكون من اصعب السنوات التى مرت ليس فقط على الكنيسة بل والوطن والمنطقة …. بعدد غير مسبوق من المشكلات المتواترة …. تحديات لا عدد لها واجهتها الكنيسة ووقف لها الذى هو حقا اختيار الله ( عطية الله ) كم مره سمعت هذا التعبير من شخصيات معروفه ومسئولة فى هذا الوطن ( الراجل ده ربنا بعته لمصر فى الوقت المناسب علشان يحميها ) حقا هو نموذج متجسد للاحتمال.

فهو يحتمل الامه الجسدية ولا يكف عن الخدمة المملؤه تعباً …. لا يهتم براحته الجسدية أبدا من يقترب منه يعلم انه بالرغم من كل ما يعانى من الام يكاد لا ينام …. ليتابع الخدمة فى الايبارشيات مترامية الأطراف ويواصل الليل بالنهار ليتغلب على فروق التوقيت….. بسافر فى شده الآلام حتى يلبى احتياجات الخدمة ويظل يحتمل الالام التى لا حد لها دون توقف عن الخدمة.

كاب احتمل الام استشهاد أولاده وتألمهمً ….. فرادى ومجموعات حتى لقب بحق بابا الشهداء والمعترفين من كثره ما قدمت الكنيسة فى عهده من شهداء ومعترفين يحتمل الام نفسيه شديده من كميه الإشاعات والهجوم على الكنيسة تحت قيادته وخاصه ممن يدعون انهم أبناؤه وأبناء الكنيسة.يحتمل أولاده فى زيارات ولقاءات وردود على الرسائل الخاصة ويحاور الشباب ويحكى للأطفال ويلاعبهم ويداعبهم ويدخل قلوبهم
ربنا يسندك يا سيدنا #انبا_تواضروس
Coptic News الإعلام القبطىمنقول