الفرق بين شفاعة المسيح وشفاعة القديسين
غير شفاعة المسيح الكفارية 
والكتاب بيوافق علي دا ويقول ” صلوا بعضكم لأجل بعض” (يع 16:5) والقديسون نفسهم كانوا بيطلبوا صلوات الناس عنهم 
القديس بولس بيقول لاهل تسالونيكي “صلوا لأجلنا” (2تس1:3) .. ويطلب نفس الطلبة من العبرانين (عب18:13) 
يعني كدا القديسين بيطلبوا صلواتنا .. منطلبش احنا صلواتهم 
يعني لو كنا بنطلب الصلاة لأجلنا من البشر الاحياء اللي لسه في فتره الجهاد “تحت الآلام زينا” مش هنطلب من القديسين اللي كملوا جهادهم وانتقلوا الي الفردوس يحيون فيها مع المسيح 
شفاعة الروح القدس 
الروح القدس “المعزي الاخر” (يو 16:14 و 26:15 و 13:16) بيشفع في المؤمنين زي م بنقرأ في رسالة رومية الروح القدس يعين ضعفنا ويشفع فينا بأنات لا ينطق بها .. 
ولكن الذي يفحص القلوب يعلم ما هو اهتمام الروح لانه بحسب مشيئة الله يشفع في القديسين 
هل يستجيب الله لشفاعة العذراء والقديسين العهدين القديم والجديد بيحتوي علي العشرات من المواضع اللي بتتكلم عن قبول الله لشفاعة قديسيه والسيدة العذارء 
⚘ زي لما استجاب الله لشفاعة السيدة العذارء في عرس قانا الجليل رغم ان ساعته مكنتش لسه جات
“ولما فرغت الخمر قالت ام يسوع له ليس لهم خمر. قال لها يسوع ما لي ولك يا امرأة لم تأتِي ساعتي بعد .. قال لهم يسوع املأوا الاجران ماء فملأوها الي فوق” (يو 2 : 8-1) 
أي شفاعة واي استجابة أسرع من دي ؟ ان كانت العذارء توسلت علشان اصحاب العرس واستجاب لها الرب .. مش بالاولي ان نطلب شفاعتها من اجلنا 
منقدرش ننكر شفاعة العذارء من اجلنا بدعوي إنها انتقلت لا العذراء مازلت عضو في الكنيسة وجسد المسيح بل بتشفع لأبنائها المحتاجين .. 
و كمان وجودها الدائم معانا خلال ظهوراتها المتكررة في كل مكان في العالم محدش يقدر ينكر دا والمعجزات الكتيرة اللي بتقوم بيها دا خير دليل علي اهتمامها بينا 
بس لازم نعرف ان لما نطلب شفاعة العذارء والملائكة وتوسلات القديسين من أجلنا ف احنا مش بنقدم ليهم الصلاة او العبادة .. العبادة والصلاة لا تقدم إلا لله الواحد المثلث الاقانيم 
ومش معناها اننا نمنع صلاتنا امام الله فلابد ان نصلي بلجاجة
0 comments