القديس انيسيفورس

كان صديق بولس الرسول معني اسمه ” جالب للنفع” اسم علي مسمي كان من افسس، اتذكر في الكتاب المقدس في 3 آيات بالظبط في رسالة تيموثاوس الثانية.. بس ثلاث آيات يحملوا معاني كتير للصداقة النادرة اللي مش بنشوفها كتير في أول آية بيقول عنه بولس : إنه كان مصدر عزاء وراحة ليه في أصعب الاوقات .. في وقت الناس كلها سابت بولس واتقلبت ضده انسيفورس الوحيد اللي ماداش ظهره لبولس في ثاني آية بيقول عنه : إنه لم يخجل من سجنه وحالته الصعبة وقيوده وسلسلته بل دايماً كان جنبه عشان يضمد جروحه ويخفف عنه في ثالث آية بيقول : انه فتش عنه ودور عليه في سجلات سجون روما وعمل كل جهده واتعرض لمتاعب كتير ومخاطر الموت لحد ما لقاه كان ممكن انيسفورس يستني بولس لحد ما يخرج من السجن بس هو كان مستعد يموت عشانه عشان بس يلاقيه مش دايما بنلاقي اصدقاء او اشخاص في حياتنا زي انيسفورس روحنا بترتاح معاهم بس هما موجودين بس مش نادرين أصدقاء مُصرة تدور علينا واحنا مطفيين وحالتنا صعبة وبتدور علينا بكل جهد واحنا مستخبين من عيون اللي سابونا وجرحونا وخانوا الوعود والصداقة .. بتدور علينا واحنا فاقدين كل معاني الثقة .. فاقدين كل أمل في ان اي نور يجي أشخاص بس همها الوحيد انها تكون موجودة جنبنا عشان تسند وتقوي وتكون مصدر راحة وانتعاش لروحنا المطفية .. وتضمد جروح عملها غيرها وتساعد في الشفاء أصدقاء بتشاركنا لحظاتنا المظلمة مش بس أيامنا المفرحة أشخاص دايما تحمل لينا كل أحشاء محبة ورحمة كل وقت .. ولان الله عظيم وصالح بيوجد في حياتنا أشخاص زي انيسفورس في كل وقت كن انت انيسفورس في حياة اللي حواليك .. كن صديقاً للمطفيين .. كن سبب في تخفيف الاثقال عن النفوس المرهقه ألم