· 

الكنيسة بتلبس اسود ليه فى اسبوع الالام

أوعى تفتكر ..ان الكنيسة ف إسبوع الالام ،

بتلبس إسود ع المسيح ..!

لا !! ..

المسيح إتصلب مرة واحدة بس ،وتمم الآمه واكمل الفداء ، وقال قد أُكمل ..!

أومال بتلبس إسود ليه ..؟!

بتلبسه عليك إنت ..!

بتعيد عليك ذكرى الآمه المقدسة ،يمكن قلبك يئن جواك ،وأحشائك تتحرك ..!

ماتروحش إنت بقى وتدخل وتبكي عليه ،وتنفعل بالعاطفة مع صور عذاباته وإكليل شوكه ،ونغمات الحزن اللي ف الألحان ،

كأنك رايح جنازة واحد ميت ،بتبكي عليه شوية وتروح ..!

لا !! ..

ليس هو ههنا لكنه قام ..!

إبكي على خطاياك اللي سببت الآلام دي للمخلص ..!

زي ما قال لبنات اورشليم ابكن علي انفسكن وإحزن على نفسك وعلى اللي ليك وع اللي لسه ماقامش معاه ..!

وادخل الكنيسة واتخيل ..

إن كل السواد ده اللي هي فيه ،وكل وجع قلبها ده ،مش بسبب حد غيرك إنت ..!

صدقني هاتفرق كتير