السادات ..شنودة والذئب الابيض عاملين قلق

يوم نياحة ابونا بيشوى كامل 21 مارس 1979 م صباحاً كان الرئيس السادات عامل اجتماع مع مجموعة من الوزراء و بعض من قادة الدولة علشان يتناقشوا فى بعض الامور …. و فى وسط الاجتماع دخل واحد و كلم الريس السادات فى ودنه و بلغه بخبر نياحة ابونا بيشوى كامل … اول ما سمع السادات الخبر اخد نفس عميق كده …. و رجع بظهره على الكرسى و قال بصوت عالى : الحمد لله !!!! الحمد لله !!!! يا جماعة القسيس بيشوى كامل بتاع اسكندرية مات !!!!! الحمد لله !!!!!!!!!!!! مخدش باله ان كان فيه اتنين مسيحين قاعدين فى الاجتماع ده !!!!
الحقيقة هو موقف مخزل جدا انه يقول كلام زى ده على اب كاهن وقور و قديس …. بس لو فكرنا هو ليه قال كده هانكتشف ان ابونا بيشوى كامل كان عامل قلق شديد للسادات لدرجة انه لما سمع الخبر ده مصدقش نفسه !!!!! عارفين ده ايه ؟؟؟؟ دى قوة ربنا اللى كانت بتشتغل فى ابونا بيشوى هى اللى كانت عاملة القلق ده لرئيس جمهورية !!! بسبب خدمته المشتعلة فى اسكندرية و صلواته و اصوامه و انه كان بيرد نفوس كتيرة للمسيح
و كان السادات دايماً يردد عباره : فيه اتنين عاملين قلق جامد ( شنودة و الذئب الابيض) و كان يقصد بالذئب الابيض ابونا بيشوى كامل !!!!
مش هاننكر ان السادات كان بطل حرب و انه انقذ مصر من حاجات كتيرة لكن اللى عايز اقوله ان مهما الانسان كان منصبه عالى برضه محدش هايقدر يقف قدام ربنا ولا قدام ولاد ربنا
لان ايد ربنا اقوى من ايد الكل
بركة صلواتك وشفاعتك يا ابي الحبيب تشملنا